އަންނަ ހޯމަ ދުވަހު ރައީސްގެ ދެކަނބަލުން އުމްރާއަށް ފުރާވަޑައިގަންނަވަނީ

މުޙައްމަދު މުއައްވަޒު

4/5/2026, 11:19:40 AM

ޢުމްރާގެ މަތިވެރި އަޅުކަން އަދާކުރެއްވުމަށް ރައީސުލްޖުމްހޫރިއްޔާގެ ދެކަނބަލުން 6 އޭޕްރީލްވާ ހޯމަދުވަހު ސަޢޫދީޢަރަބިއްޔާއަށް ފުރާވަޑައިގަންނަވާނެއެވެ.

މި ދަތުރުފުޅުގެ މެހުމާންދާރީއާއި ހުރިހާ ޚަރަދެއް ހަމަޖައްސަވައިދެއްވަނީ ސަޢޫދީޢަރަބިއްޔާގެ ސަރުކާރުންނެވެ.

ދަތުރުފުޅާ ގުޅޭ މި ހުރިހާ ކަމެއްވަނީ މިދިޔަ ފެބުރުވަރީމަހުގެ ކުރީކޮޅު ހަމަޖައްސަވައިފައެވެ.

ރައީސް މުއިއްޒުގެ ދެކަނބަލުން ވަނީ ސައުދީ ރަސްގެފާނުގެ ހާއްސަ މެހްމާންދާރީގެ ދަށުން މިދިޔަ އަަހަރުވެސް އުމްރާ އަޅުކަން އަދާކުރައްވާފައެވެ.