ރާއްޖެ ޖޫނިއަރ ކެރަމް ޗެމްޕިއަންޝިޕް: 16 އަހަރުންދަށް ފިރިހެން ސިންގަލްސް ޗެމްޕިއަންކަން ކިޔާން ހޯދައިފި

ރާއްޖެ ޖޫނިއަރ ކެރަމް ޗެމްޕިއަންޝިޕް، 16 އަހަރުންދަށުގެ ފިރިހެން ސިންގަލްސް ޗެމްޕިއަންކަން އަބްދުއްﷲ ކިޔާން ބިން ޝާޒް ހޯދައިފިއެވެ.

16 އަހަރުން ދަށުގެ ފިރިހެން ސިންގަލް ޗެމްޕިއަންކަން ކިޔާން ހޯދީ ފައިނަލުގައި ފަސޭހަކަމާއެކު 13-25 ގެ ނަތީޖާއަކުން އަހުމަދު ޝަމާލް ސައުދުﷲ ބަލިކުރުމަށްފަހު އެވެ.

މުބާރާތުގެ ފައިނަލުން ޝަމާލް ޖާގަހޯދީ މިއުމުރުފުރާގެ ސެމީފައިނަލް ފުރަތަމަ މެޗުގައި ފަސޭހަކަމާއެކު 19-5 ގެ ތަފާތުބޮޑު ނަތީޖާއަކުން ޒާހިލް ޒާލިފް އަހުމަދު ބަލިކުރުމަށްފަހު އެވެ. އަދި ކިޔާން ފައިނަލުން ޖާގަހޯދީ ސެމީފައިނަލްގެ ދެވަނަ މެޗުގައި 18-24 ގެ ނަތީޖާއަކުން ޔޫނުސް ބިން މުހައްމަދު ބިން ހަސަން ބަލިކުރުމަށްފަހު އެވެ.

6 ޖޫން 2026 އިން 13 ޖޫން 2026 ގެ ނިޔަލަށް ހުޅުމާލޭ ކެރަމް ހޯލުގައި ކުރިއަށްދިޔަ ރާއްޖެ ޖޫނިއާރ ކެރަމް ޗެމްޕިއަންޝިޕުގައި މިއަހަރު މާލޭގެ 16 ސްކޫލަކުން 458 ކުޅުންތެރިން ވާދަކުރިއިރު، 16 އަހަރުން ދަށުގެ ފިރިހެން ޑިވިޝަނުގައި 12 ސުކޫލަކުން 71 ކުޅުންތެރިން ވާދަކޮށްފައިވެއެވެ.